விண்ணப்பிக்கவும்
நோக்கம்
- MSME துறையின் நலனுக்காக உள்நாட்டில் கண்காட்சிகள் / வர்த்தக விழாக்களை நடத்த பதிவு செய்யப்பட்ட MSME சங்கங்களுக்கு நிதி ஆதரவு வழங்குவது.
முக்கிய பலன்கள்
- சென்னையில் நடத்துவதாக இருந்தால், ஒவ்வொரு நிகழ்விற்கும் அதிகபட்சம் ரூ.7.50 லட்சம் வரை, 50% மானியம் வழங்கப்படும்.
- தமிழ்நாட்டின் பிற அனைத்து இடங்களிலும் நடத்தப்படும் நிகழ்வுகளுக்கு, ஒவ்வொரு நிகழ்விற்கும் அதிகபட்சம் ரூ.1.50 லட்சம் வரை, 50% மானியம் வழங்கப்படும்.
- பிற மாநிலங்களில் நடத்தப்படும் கண்காட்சிகளுக்கு, ஒவ்வொரு கண்காட்சிக்கும் அதிகபட்சம் ரூ.7.50 லட்சம் வரை, 50% மானியம் வழங்கப்படும்.
- காஞ்சிபுரம்,செங்கல்பட்டு,திருவள்ளூர்,கோயம்புத்தூர்,மதுரை,திருச்சி, திருப்பூர்,ஓசூர்,சேலம்,ஈரோடு,தூத்துக்குடி மற்றும் திருநெல்வேலி ஆகிய இடங்களில் நடத்தப்படும் நிகழ்வுகளுக்கு, ஒவ்வொரு நிகழ்விற்கும் அதிகபட்சம் ரூ.3.50 லட்சம் வரை, 50% மானியம் வழங்கப்படும்.
தகுதி அளவுகோல்கள்
- பதிவு செய்யப்பட்ட MSME சங்கங்களுக்கு, ஒரு நிதியாண்டில் அதிகபட்சம் ஒரு கண்காட்சிக்கு மட்டும் இத்திட்டத்தின் கீழ் செலவுத்திருப்பீடு வழங்கப்படும்.
- கண்காட்சி நடத்துவதற்கான செலவுகள் மட்டுமே திருப்பி வழங்கப்படும் ; கருத்தரங்கம் / பயிலரங்கு (Seminar / Workshop) நடத்துவதற்கான செலவுகள் தகுதியற்றவை.
- MSME நிறுவனங்கள் தங்களின் தயாரிப்புகளை விளம்பரப்படுத்த கண்காட்சியில் பங்கேற்றிருக்க வேண்டும்.
- கண்காட்சியில் குறைந்தது 25 கண்காட்சி அங்காடிகள் இருக்க வேண்டும்.
- கண்காட்சியைப் பற்றிய விளம்பரம் அல்லது செய்திக் குறிப்பை குறைந்தது ஒரு பிரபலமான உள்ளூர் நாளிதழில் வெளியிட்டிருக்க வேண்டும்.
- சம்பந்தப்பட்ட மாவட்ட தொழில் மைய பொது மேலாளர் / மண்டல இணை இயக்குநர்,சென்னை கண்காட்சிக்கு ஆய்விற்காக அழைக்கப்பட வேண்டும்.
- பங்கேற்ற நிறுவனங்களின் தயாரிப்புகளை சந்தைப்படுத்துவதற்காக மட்டுமே கண்காட்சி நடத்தப்பட்டதைக் சம்பந்தப்பட்ட பொது மேலாளர் / மண்டல இணை இயக்குநர்,சென்னை உறுதிப்படுத்த வேண்டும்.
விண்ணப்ப செய்வது எப்படி / அலுவலகம் தொடர்பு கொள்ள
விண்ணப்ப செய்வது எப்படி / அலுவலகம் தொடர்பு கொள்ள
விண்ணப்பிக்கவும்